Diàlogu
Sardu Italianu
Daniele: Claudio, abarra inoghe, giai ando deo...
Professore: T'apo naradu ca tue immoe no essis!
Daniele: Però non mi paret bellu a mandare a Claudio a issucutare cosa chi apo imbrutadu deo...
Professore: Nara, tue, chirchende iscusas pro essire ses, beru?
Daniele: Nosse! Ma non dia bòlere chi un'amigu meu diat dèpere fàghere su traballu meu!
Professore: Podes tènnere finas resone... Ma sigomente apo naradu ca nono est nono!
Claudio: E lu fatzat essire... no lu bidet ca est totu brutu?
Professore: Immoe no essis e un'àtera borta donas a cura!
Daniele: Potzo andare, su professore... s'est assutende su colore e mancat meda a s'ora de sa ricreatzione.
Professore: Apo naradu milli bortas ca pro pedire cosa depides pesare sa manu!
Fabio: Mh... oe mi paret inchietu su professore...
Professore: Mh... ma s'àteru chi est essidu in antis, torradu est?
Boghe: Nosse, no est torradu galu!
Professore: Tando non podes essire! Abeta chi torret issu!
Daniele: Ma comente diat èssere?! Est essidu giai dae unu cuartu de ora!
Professore: Ite ti crees ca si fatzo andare a passigiare a foras in duos?
Claudio: Daniele, ses totu mantzadu... cantu los as pagados cussos cartzones?
Daniele: Lassa pèrdere, ite disisperu...
Professore: Immoe tzitides ca depimus sighire cun sa letzione. Oe si bògio presentare carchi programma de gràfica... Podent pàrrere gioghiteddos de pipios ma ddo'at meda de imparare... sena de s'imbrutare o fàghere impiastros...
Daniele: Ma su prof, no est giustu! Deo oe non so galu andadu a su bagnu!
Professore: Andat bene, prova a bìdere in ue est su cumpàngiu tuo... Bae e nara·ddi a nde torrare a intro e a lestru puru!
Daniele: Gràtzias medas, su professore!
Claudio: Frigadu su professore.... Ahahahah!!!