Diàlogu
Sardu Italianu
Professore: Mi paret ca amus craridu cales sunt is colores e comente si sèberant e si misturant...
Claudio: Como nos pasamus...
Professore: Si apo aparitzadu una lavagna cun paperi biancu... E si apo arrimadu una tassa de abba inoghe... is pinzellos e sa tauledda! Daniele, cumintzas tue?
Daniele: Deo? Non so istadu mai bonu a pintare...
Professore: Mègius de aici! Diat èssere ora de imparare puru, ite nde naras?
Daniele: M'apo postu sos cartzones noos... isperamus chi non mi capitet nudda!
Claudio: Faghe a bìdere? Tzessu... Dona cura, ca sunt tropu bellos!
Daniele: Si nde torro a cartzones brutos oe... no isco!
Professore: Intèndidu m'as? Benende ses?
Daniele: Giai so benende... ite depo fàghere?
Professore: Tenes custos colores primàrios... Comente faghes a nde bogare su colore de terra?
Daniele: Bidimus... Su colore de terra mi paret chi siat tertziàriu... e duncas si misturant duos secundàrios, beru?
Professore: Tando prova, tue ite dias misturare? Dona cura cun cussa abba...
Daniele: Provo cun birde e arantzu?
Professore: Si nde ses seguru, podes fàghere una prova.
Daniele: Est essidu unu colore de terra unu pagu lègiu...
Professore: Depes agiùnghere su birde a s'arantzu e non su contràriu, ca ti frigat!
Daniele: Ohi... mistura cussu, mistura cuddu... s'est imbrutadu totu su grogu!
Claudio: Como giai l'as misturadu! Ahahaha! Abbàida·ti sos cartzones!
Daniele: Ohi, sos cartzones noos... Potzo andare a m'issucutare? Si los lasso gasi si mantzant!
Professore: Immoe abarras inoghe, e bae e setze·ti! Claudio, beni tue a sighire s'esertzìtziu...
Claudio: Eja, non paret mancu difìtzile! S'abba est bruta, però... Non faghet mancu a misturare sos colores!
Professore: Beru est! Nara gràtzias a s'amigu tuo... Toca, bae a gabinete e torra·dda a prenare sa tassa!