Diàlogu
Sardu Italianu
Professore: Immoe, pro cumentzare nde regollides totu is colores, ca sinuncas faghides isceti atzoroddos.
Fabio: E ite depimus pigare, sa riga?
Professore: Nosse, immoe m'ascurtades, ca si depo ispricare un'àtera manera de pintare, ma sena de tintas!
Daniele: Comente diat èssere?
Professore: Su carculadore, in domo, ddu tenides totus, beru?
Totus: Ejaaaa!
Professore: Duncas, non serbit isceti pro giogare o nche passare su tempus...
Claudio: Però cosas ispassiosas bi sunt! Su giogu de sas cartas e cussu de sas minas de giumpare! Ahaha
Professore: Bellos meda... Ddoe sunt programmas puru pro pintare su chi bolides!
Fabio: E comente si faghet?
Professore: Faghimus un'esèmpiu... ite bolides pintare?
Fabio: Una bella intrada de sole in su mare cun sas nues e sas barcas a s'orizonte!
Professore: Pro pintare panoramas naturales ddoe sunt una pariga de programmas, unu prus bellu de s'àteru! E calicunu s'atzapat finas de badas in Internet. T'iscàrrigas su chi ti praghet de prus, dd'installas e incarcas pro dd'abèrrere...
Daniele: Lu dia dèpere bìdere!
Professore: Immoe allumo sa lavagna multi-mediale, aici ddu bidides totus!
Daniele: Gasi andat mègius!
Professore: Duncas, si bolides pintare de ruju bastat abèrrere custa banderedda e ddoe sunt totus is colores a intro!
Daniele: E non tocat mancu a los misturare cun abba!
Professore: A s'àtera parte ddoe sunt lapis e gomma!
Fabio: Duncas, deo potzo fintzas pintare comente chi siat pabiru beru!
Professore: Tzertu! Cando finis, però, ti nde depes regordare de ddu sarvare, sinuncas s'isperdet!
Claudio: Mi paret tropu complicadu... Tenia resone deo ca cumbenit a giogare ebbia cun su carculadore!
Professore: As a bènnere a bìdere ca, usende·ddu t'at a pràghere!
Claudio: Potzo provare deo?
Professore: Immoe no, ca depimus fàghere una cosa totus paris!