Diàlogu
Sardu Italianu
Daniele: Nara, ma comente est capitadu? Pro ite ais chertadu?
Claudio: Pro curiosidade nde l'apo leada a s'iscuse su telefoneddu.
Daniele: Tue puru però... male fidadu...
Claudio: La bidia semper iscriende cosa!
Daniele: E chie fiat?
Claudio: Fiat un'amiga sua pregontende·li cussìgios...
Daniele: Duncas non fiat beru ca issa aiat iscritu cosa a s'iscuse?
Claudio: Nosse, non fiat beru...
Daniele: E tue ite l'as naradu?
Claudio: Deo l'apo ghetadu sas neghes sena de li pregontare nudda!
Daniele: Tue puru ses reselosu però!
Claudio: La depias bìdere, ispantada e arrennegada!
Daniele: E ite t'at naradu issa?
Claudio: Nudda! Si nd'est andada a domo sena de faeddare!
Daniele: Tzessu...
Claudio: Torra·la a castiare, apensamentada ti paret? Ite est faghende?
Daniele: Tzertu non paret pregiada... ti l'apo naradu, est iscriende cosa!
Claudio: Ite at a èssere iscriende? Seguru ses ca no at abbaidadu a custa parte?
Daniele: Nosse, ma non mi faghet ispantu!
Claudio: Ite mi cussìgias a fàghere?
Daniele: No l'isco. Pro ite non li pedis iscusa?
Claudio: Nosse, non potzo! Non so bonu a pedire iscusa a nemos deo!
Daniele: Comente diat èssere ca non podes? E ite dias bòlere? Chi bèngiat issa a inoghe?
Claudio: Tantis non mi diat perdonare pro mai!
Daniele: Pro cantu semus amigos ti depo nàrrere ca ses istadu pròpiu iscimpru!
Claudio: E su malu est ca no isco comente acontzare sa cosa!
Daniele: Mi paret ca sa cosa mègius est a li pedire iscusa!
Claudio: E si li còmporo unu regaleddu? Pro li fàghere cumprèndere ca mi dispraghet... m'at a perdonare?
Daniele: Custa podet èssere un'idea!
Claudio: E tocat a isperare chi mi perdonet...
Daniele: Giai est bona... t'at a ascurtare de seguru!
Claudio: Tue eja ca ses un'amigu! M'acumpàngias custu merie a li comporare calicuna cositedda?
Daniele: Eja, giai t'acumpàngio deo... podimus fintzas andare a su supermercadu acanta de domo mia!
Claudio: Eja, andat bene!