Diàlogu
Sardu Italianu
Daniele: Tzertu ca ses gelosu.. totus l’ischint ca Sara est una pitzochedda bona!
Claudio: Pro cussu so gelosu!
Daniele: A mie mi paret ca issa abbàidat a tie ebbia!
Claudio: No la bides? Est craru che su chelu ca est sa prus bella pitzochedda de s'iscola! L'abbàidant totus!
Daniele: Si lu naras tue... e tando? Non ses pregiadu?
Claudio: Ma tenet cussa amiga... semper narende cosa contra a mie!
Daniele: Difatis non cumprendo comente potzat èssere amiga de Sara...
Claudio: Viola est cràstula e gamurra!
Daniele: Non creo chi Sara ascurtet sa gente mala... no est pitzochedda de cussa ratza!
Claudio: Ispina a suta de ludu chi no est àtera! Est petzi imbidiosa de sa bellesa sua!
Daniele: Seguru ses ca Viola l'at tzuntzullada? Ma issa no est gasi, non timas ca non sighit gente mala!
Claudio: Tue naras? Si casso cussa pìbera...
Daniele: Pro cantu est bella, Sara, a mie mi praghet de prus un'àtera pitzochedda...
Claudio: E chie est? De sa classe nostra non podet èssere! Non nd'at mègius de issa!
Daniele: Nosse... est prus pitica...
Claudio: De a beru? E chie est? Cando l'as connota?
Daniele: Est un'amiga de sorre mia... sunt semper paris... est bènnida a domo mia... de segunda est!
Claudio: Ite la narant? La connosco deo?
Daniele: La narant Laura! Su sambenadu non mi l'ammento...
Claudio: Non m’ammento peruna Laura bellighedda, la dia àere bida!
Daniele: Tzertu, tue tenes ogros pro Sara ebbia... Laura est pitzochedda birgongiosa meda ma durche...
Claudio: Prova·mi a nàrrere comente est!
Daniele: Arta no est arta meda, a pilos rujos e giughet ullieras!
Claudio: Mh... apo cumprèndidu! Non chistionat meda...
Daniele: La' la', est in cue in fundu... ite ti nde paret?
Claudio: Mancu una est bella che a Sara... abbàida·la! Giai l'apo fata bella... comente apo a fàghere como a mi fàghere perdonare?