Diàlogu
Sardu Italianu
Professore: Ite est totu custu lùlluru in cue!?
Professore: Ite cosa, non mutzet nemos immoe? Claudio e Daniele, a boisàteros so narende!
Claudio: A nois? E pro ite abbàidat a nois?
Professore: Daniele, oe as fatu tropu carràrgiu mi paret...
Daniele: Deo... fia ebbia...
Professore: Non bògio intèndere nudda! Seis totu s'ora a iscusas! A primu ti ses imbrutadu is cartzones, e non ti ses tzitidu nudda!
Daniele: Depia nàrrere una cosa a Claudio...
Professore: Ah, pro ite no ddu naras a totus?
Claudio: La' tziti·ti! Ca non depo iscoviare totu a Sara pro custu tontu de professore...
Professore: Cosa aici importante fiat? Non mi nd'importat nudda, m'as arròschidu!
Daniele: E ite potzo fàghere? Potzo bènnere pusticràs a s'interrogatzione?
Professore: Non mi chirches cras e pusticràs! Ite dias bòlere fàghere?
Daniele: Li torro iscusas medas...
Professore: Dd'isco deo ite podes fàghere! Immoe mi nd'aporres su diàriu e ti pòngio una nota!
Daniele: Comente? Fia narende una cosa ebbia... mama mi ochiet... ite li conto cando torro a domo?
Professore: No mi nd'importat! Immoe ti nch'andas a foras! E faghe·mi su praghere de non passigiare a destra e a manca...
Boghe de fundu: Biadu a tie... a nois nos tocat a abarrare inoghe...
Professore: Nd'at pro tue puru, si boles, de logu a foras!
Claudio: Professore, la' ca est isballiende·si... non est neghe sua! L'apo mutidu deo pro...
Professore: Si no dd'acabbas nde pigas sa mègius parte, Claudio!
Daniele: Gràtzias etotu!
Fabio: Inchietu meda mi paret oe... at a èssere mègius a si tzitire...
Professore: Daniele, immoe ti nd'andas a foras e regorda·ti·nde, s'àtera borta, de mi nde torrare sa nota firmada dae mama tua!
Daniele: Si non m'at mortu... eja, giai mi l'apo a ammentare...
Professore: E cando essis serra a bellu sa ghenna!