Diàlogu
Sardu Italianu
Daniele: Ite est chi nos at dadu a istudiare cussu de Artìstica?
Claudio: Cosa de crèsias e monumentos... ohi...
Fabio: Pro nàrrere sa veridade depimus lèghere comente est fatu su fundamentu e comente si nde pesant sas bòvedas...
Daniele: Ma de sa crèsia in ue depimus andare pro s'essida de istrutzione?
Claudio: At a èssere cussa etotu... non nos lassant in paghe una die...
Daniele: Si detzident de nos acumpangiare a mare nos ispassiamus puru!
Claudio: Si cussa ispia de Matemàtica non si imbergat??...
Fabio: Segundu me nos at a pràghere puru, ca su professore giai est bonu...
Daniele: Duncas... pigamus sa pranta de custa crèsia...
Fabio: Custos sinnos tundos acostados a sos muros sunt sas bases de sas colunnas!
Claudio: E si nde pesant finas a sa punta de s'aposentu?
Fabio: A cantu paret... aguantant totu sa bòveda!
Daniele: Dae inoghe diat pàrrere ca intro e mesu bi siant ventanas puru!
Fabio: Eja, abbàida s'immàgine!
Claudio: Comente ant fatu a pesare una crèsia gasi arta sena mancu tènnere su tzimentu modernu?
Fabio: No est chistione de pedra o tzimentu! Est ca aiant cumprèndidu sas fortzas chi aguantant totu!
Daniele: La', leghe inoghe! Est custu su chi depimus ischire!
Fabio: A primu, in s'antighidade, sos òmines aguantaiant sas bòvedas cun arcos a mesu chircos.
Claudio: Comente custos chi si bident inoghe, mi paret...
Fabio: A pustis si sunt agatados ca non fiant fortes meda pro aguantare aposentos artos...
Daniele: Faghet ispantu chi custa gente teniat totu custa cumpetèntzia!
Claudio: Si ti pensas ca deo non nde cumprendo nudda... tzertu ca faghet ispantu!
Fabio: Ite si podet nàrrere duncas de custa crèsia chi depimus bìdere?
Daniele: Ca s'istile est gòticu!
Claudio: E comente faghes a lu nàrrere?
Fabio: Ca tenet arcos acutzos e lumburas pro aguantare sos muros!
Daniele: E mancari sos travetos e ventanas a bidros colorados!