Diàlogu
Sardu Italianu
Laura: Ite ses pensende? Bidu l'as su resonamentu chi depimus fàghere?
Simona: Eja... «Cales sunt sas risorsas naturales de su territòriu?» Como eja ca est crara! Ahahah
Giorgia: Toca, lu depimus fàghere paris... non ti ghetes a terra!
Laura: Deo naraia a iscrìere su mare e su bentu!
Giorgia: Ses currende tropu... como depimus agatare sas risorsas de su territòriu!
Laura: Dias bòlere nàrrere gas e cosas gasi?
Simona: Depet èssere comente narat issa... ma mi paret ca inoghe non bi siat nen gas nen petròliu!
Giorgia: Però tenimus minieras de carbone!
Laura: Custu est de iscrìere! Pro ite brusiende su carbone nde bogant energia!
Simona: L'ischides ca giaju meu a giòvanu traballaiat a intro de minieras?
Laura: E bae!? E comente sunt a suta?
Giorgia: E ite est totu custa curiosidade? A su chi contant non mi penso chi esseret logu bellu meda...
Simona: Difatis issu contat de comente los calaiant a suta, e de su fragu de prùvura! E bortas medas sa gente moriat puru!
Laura: Però mi diat pràghere a bìdere cussos logos...
Giorgia: Penso chi si potzat fintzas andare! Ti faghent calare a suta unu tretu...
Simona: Deo non bèngio, lu timo totu cussu iscuriu!
Laura: Torramus a sas risorsas... amus naradu su carbone...
Giorgia: Como podimus chircare puru fortzas naturales!
Laura: Duncas... a primu fia narende ca tenimus su mare e su bentu!
Simona: E mi paret pròpiu ca non nos mancat nen s'unu nen s'àteru! Biada s'ora chi lompet s'istade e nos nch'andamus a mare...
Giorgia: Semper pensende a ti pasare tue...
Laura: Dae s'argumentu est craru ca sa prof. bolet chi chirchemus risorsas naturales...
Giorgia: E chi fatzant eletritzidade sena imbrutare su logu!
Simona: Ite narades si iscriemus, pro nàrrere, su sole?
Laura: Brava! No l'aia pensadu! Bides ca cando boles...
Simona: As bidu ca tocat a lu pensare a andare a mare!? Ahahah