Diàlogu
Sardu Italianu
Giorgia: Ite nde narades si como leghimus Istòria?
Simona: Ohi... non si cumprendet mancu ite depimus fàghere...
Laura: Depimus rispòndere a tres pregontas a pitzu de sa letzione!
Giorgia: Duncas... sa prima narat «Cando cumintzat e cando agabbat s'Edade de mesu?».
Simona: Isetade ca lu lego... andat dae su batorghentosnorantasès finas a su milli e batorghentosnorantaduos....
Giorgia: Eja, giai est gasi... tocat a iscrìere ite est sutzèdidu puru in cussos annos...
Simona: Ite depo iscrìere?
Laura: Cumintzat dae cando nde ruet s'Imperu Romanu!
Giorgia: E agabbat cando Cristoforo Colombo iscoberit s'Amèrica!
Simona: Ahahah si no l'aiant iscoberta, oe, Giorgia, tziu tuo non diat èssere benende a nos agatare! E nudda regalos! Ahahah
Laura: Tzitu! Lèghida l'as sa segunda pregonta?
Simona: «Sas domos de sos meres si naraiant...».
Laura: Casteddos! So segura! Sa gente biviant in sas biddas!
Simona: E nd'as bidu de casteddos? Inoghe acanta non mi paret chi bi nd'apat...
Laura: Nd'apo bidu una pariga a parte de susu... ma bellos!
Giorgia: La' bi nd'at unu in su libru puru... mustrat su ponte chi si nde pesat!
Simona: E si bident fintzas sas ferradas in sas ventanas...
Laura: Si serro sos ogros mi paret de intèndere su sonu de sa gherra e sos caddos de trotu!
Simona: Abarra a ogros abertos ca est mègius...
Giorgia: S'ùrtima pregonta est... «In ue fiant allogados libros e pabiros istòricos?».
Laura: Ah... L'ischides in ue fiant sas bibliotecas antigas?
Giorgia: Diat dèpere èssere a intro de sos cumbentos!
Laura: Eja! E contant ca mòngias e paras cuaiant in sos libros sos segretos!
Simona: Tue leghes tropu... ahahah! Bides arcanos in onni logu...
Giorgia: No, est beru! Sa gente no ischiat lèghere in cussu tempus!
Laura: E sa Cultura daiat fortza de cumandu!
Simona: Oih... mi dia tocare a mi pònnere a istudiare...