Diàlogu
Sardu Italianu
Giorgia: Ah... est semper bellu a bènnere a istudiare a biblioteca!
Simona: Ite narades si nos setzimus inoghe acanta de sa ventana?
Laura: B'at a àere currente puru... e s'intendet su trèulu de sos pipios...
Simona: Ca nono... gasi abbaidamus a foras in su giardinu! Pro ite no andamus a fàghere una passigiada a pustis?
Laura: Non ses mancu lòmpida... giai pensende a ti nch'andare...
Giorgia: Andat bene! Est ca tenimus tropu cosa de fàghere...
Laura: Deo dia nàrrere a abarrare inoghe ca semus fintzas acanta de su carculadore! E sos libros non nos mancant! Ite bellu!
Giorgia: Assora... acosta cussa cadrea a sa mesa, ca nd'at duas ebbia inoghe!
Laura: Ma l'as bidu ite totu depimus istudiare? Custa chida si sunt ammachiados!
Giorgia: Eja.. pro lunis tenimus unu muntone de cosa de fàghere...
Simona: Non nos diant pòdere lassare in paghe a su mancu a fine de chida!?
Giorgia: No isco comente apo a fàghere... custu merie etotu lompet tziu meu dae Amèrica!
Simona: E giai non t'as a pònnere a istudiare!? Ite t'at a batire de bellu?
Giorgia: Gasi no l'apo a fàghere... mi benit a mala bògia!
Laura: A mie non mi paret meda... ite tenes sinnadu in su diàriu, tue?
Giorgia: Mh... sos còmpitos de matemàtica, sa cosa de istòria e s'istùdiu de geografia.
Simona: E non ti paret meda? Tando podimus fintzas fàghere una cosa!
Giorgia: Ite ses pensende·ti...?
Simona: Como, paris, nde faghimus una parte e sos àteros nos lu seberamus!
Laura: Nono! L'ischis ite nos faghent si nos cassant?
Simona: Ite ca nos ant a fàghere... gasi, de bona amiga, agiuas a Giorgia ca tenet su tziu de sighire!
Laura: Si Giorgia est de acòrdiu... nos los amus fintzas a pòdere partzire...
Giorgia: Su chi nos abarrat de fàghere ebbia però! Como nos at a cumbènnere a nos pònnere a istudiare...
Laura: Si iscoviades... pagu bene de bois àteras!