Diàlogu
Sardu Italianu
Giorgia: Ohi, però, deo tèngio basca!
Laura: Abarra firma, ca ses dèbile...
Simona: Depimus essire a pustis! Ite ti boles, ismalaidare?
Giorgia: Ma non faghet mancu a abarrare in su sole...
Simona: Gasi basca tenes? B'at bentu puru...
Laura: Est cussu chi frigat de prus! Una s'infundet e a pustis ti ferit sa callentura!
Simona: Ma bae! Ma cale callentura... Como mi pòngio fache a su sole e fùrrio a trempas rujas!
Giorgia: Mh... segundu me non faghet bene meda...
Laura: Tenes resone tue puru, ca su sole no est prus sanu meda...
Simona: Ite dias bòlere nàrrere? Mancu su sole si podet pigare, como?
Laura: Est pagu tempus chi ant istudiadu s'incuinamentu de su chelu...
Simona: E ite b'intrat cun su sole?
Laura: Ant iscobertu un'istampa in su chelu!
Simona: Un'istampu in chelu? Comente diat èssere?
Laura: Si narat “istampa de s'ozono”!
Giorgia: Mh... deo m'ammentaia de s'efetu-serra... segura ses ca non ses confundende sa cosa?
Laura: Pone in mente a mie! Dae in cue su sole colat sena agatare intopu e ferit deretu a sa pedde de sa gente...
Giorgia: E in ue est custa istampa?
Laura: Narant ca s'agatat a pitzus de s'Austràlia.
Simona: Eh... tando... già est a lentza! Totu a s'àtera parte de su mundu!
Laura: Nosse, no est comente pensas tue! Sas isperas malas de su sole lompent a totu su mundu!
Giorgia: Difatis su sole tenet lughe bona e isperas malas... ti l'ammentas?
Laura: Eja, lis narant ultra-violetos! E narant ca sunt perigulosos pro sa pedde!
Simona: E non si podet fàghere nudda pro custa istampa?
Giorgia: Tzertu, diat tocare a dare a cura cun s'arga e comporende sa cosa!
Laura: Tocat a bìdere chi non bi siat cosa mala pro su mare o su chelu! Difatis, però, paret chi custa istampa non s'at a serrare pro mai...
Giorgia: S'ùnica cosa bona chi podimus fàghere est a nos reparare de su sole, mancari ponende·nos una crema de bona calidade!