Giorgia: In passato, però, il tempo qui non doveva essere così...
Laura: Da queste parti le fasi delle stagioni son sempre state quattro!
Giorgia: I meteorologi, però, dicono che oggi non piove più come una volta e che c'è più caldo.
Simona: Mi sembra un'affermazione molto strana...
Laura: Guarda che quelli sono colti! Vedono nuvole e sole prima che arrivino!
Simona: Che il tempo era certamente più freddo non è indispensabile aver studiato tanto per capirlo!
Giorgia: E tu da cosa l'hai capito?
Simona: Non vedi com’è vestita la gente nelle fotografie antiche?
Laura: Vorresti dedurre la temperatura dalla lunghezza della gonna delle ragazze?
Simona: Certo che se avessero avuto molto caldo non avrebbero indossato vestiti di velluto lunghi e pesanti!
Giorgia: No, il tuo ragionamento non fila...
Laura: Ti sbagli proprio se credi che tua nonna potesse scegliere come vestirsi!
Giorgia: Sapessi che lotta hanno fatto le donne per avere la libertà di vestire come volevano!
Simona: Ne ho sentito parlare altre volte...
Laura: E infatti in passato le donne non potevano decidere niente!
Simona: A quei tempi non doveva essere molto bello nascere femmina!
Laura: Poi, però, c'è stato il movimento femminista...
Giorgia: Ah... hanno fatto una rivoluzione contro la prepotenza degli uomini!
Simona: Quando è stata questa rivolta?
Giorgia: Come ha spiegato la professoressa di storia, si è svolto durante il secolo scorso e si ricorda l'otto di marzo!
Laura: Infatti l'ha spiegato recentemente… È una festa nota in tutto il mondo!
Giorgia: Molti pensano che la giornata sia per la morte di centoquarantasei operaie in una fabbrica americana! Tutto falso!
Laura: Ah sì? Mi sono persa qualcosa. E come ha avuto origine la festa in memoria dei diritti delle donne?
Giorgia: Fu il risultato di quasi un secolo di battaglie per far sentire la voce delle donne in tutto il mondo. “La giornata internazionale dell'operaia” fu fissata per l'8 marzo durante la Seconda conferenza internazionale delle donne comuniste tenutasi a Mosca nel 1921.

Giorgia: A primu, però, su tempus non depiat èssere gasi inoghe...
Laura: In custos logos sos tempos de su chelu sunt semper istados bator!
Giorgia: Sos chi leghent su tempus, però, narant ca como non proet prus e b'at prus basca!
Simona: Mi paret istranu meda custu ditzu...
Laura: La' ca cussos sunt istudiosos! Bident nues e sole in antis chi lompant!
Simona: Ca su tempus fiat prus fritu puru est seguru... e non tocat a èssere istudiados meda pro lu cumprèndere!
Giorgia: E tue dae ite l'as bidu?
Simona: No lu bides comente est bestida sa gente in sas fotografias antigas?
Laura: Ite boles nàrrere cantos grados bi fiant dae sa longhesa de sa gunnedda de sas pitzocas?
Simona: Tzertu chi si aiant tentu basca meda non s'aiant postu bestires de belludu, longos e graes!
Giorgia: Nosse, Simona, custu resonamentu non torrat...
Laura: T'isbàllias si ti pensas ca giaja tua si podiat seberare comente si bestire!
Giorgia: Nd'ant fatu de gherra sas fèminas pro si bestire comente bolent!
Simona: Custu contu l'apo giai intèndidu àteras bortas...
Laura: E difatis a primu sas fèminas non podiant detzìdere nudda!
Simona: Non depiat èssere bellu meda a nàschere pipia a cussos tempos!
Laura: A pustis, però, est bènnidu su “Movimentu feminista”!
Giorgia: Ah... ant fatu una rivolutzione contra sa prepotèntzia de sos òmines!
Simona: E cando est istadu totu custu turbamentu?
Giorgia: Comente nos at ispricadu sa prof de istòria est istadu in su sèculu coladu... e si regordat s'oto de martzu!
Laura: Difatis l'at ispricadu dae pagu puru... Est una festa connota in totu su mundu!
Giorgia: Gente meda pensat chi est una die pro regordare sa morte de chentubarantases pitzocas chi traballaiant in una fàbrica americana!
Laura: Ello nono? Custa mi la so pèrdida. E comente est cumintzada sa festa pro regordare sos deretos de sas fèminas?
Giorgia: Est su risultadu de gasi chentu annos de rivendicatziones pro fàghere intèndere sa boghe de sas fèminas in totu su mundu! “Sa die internatzionale de sas fèminas traballadoras” est istada fissada in sa Segunda Cunferèntzia Mundiale de sas Fèminas comunistas fata a Mosca in su 1921.