Diàlogu
Sardu Italianu
Daniele: E ite depimus fàghere?
Professore: Provamus a pintare paris calicuna cosa e boisàteros mi narades ite depo incarcare!
Fabio: Ite pintamus custa borta?
Professore: Provamus a fàghere su mare!
Claudio: Su mare? E nde bogamus su carculadore pro pintare su mare?
Professore: Nosse! Nos depimus pintare unu mare mòvidu meda, cun undas, ispuma e totu cantu!
Daniele: Tzessu... e tocat a lu mòvere puru?
Professore: Sisse! A primu ddu pintamus, però...
Fabio: Pro sos colores nos at naradu ca sunt in artu a manu de manca!
Professore: Podimus seberare su colore de chelu iscuru pro su chelu e biancu mùrinu pro su mare...
Claudio: E mancari su nieddu pro sos lampos in mesu de sas nues!
Daniele: Amus naradu ca su mare depet èssere mòvidu...
Claudio: Si podet fintzas pintare una traschia in mesu de mare!
Professore: Podet èssere puru, e essit tzertu prus bellu!
Claudio: Ma tocat a lu mòvere!
Professore: Calicunu ischit comente si faghet a mòvere su disignu?
Daniele: Nosse, no l'ischimus...
Professore: Inoghe ddoe at una banderedda cun totu sos efetos chi bolimus pònnere.
Fabio: Est gasi chi faghent sos cartones animados!
Professore: In custu cuadru tocat a mòvere is undas...
Fabio: Si diant pòdere mòvere sos lampos puru!
Professore: Tzertu! E si boles podes agiùnghere is sonos puru!
Daniele: E dae ue los leamus sos sonos? Dae internet?
Professore: Segundu su chi depes pònnere ddoe est giai una bella pariga de sonos inoghe a intro etotu!
Claudio: Bidimus comente essit? Como m'at postu curiosidade...
Professore: Nd'apo fatu unu eris sero pro si ddu mustrare finidu...
Daniele: L'at postu su bentu puru? Paret de bìdere su mare!
Claudio: Tzessu... a ratza de trèulu faghet! Ahahah.
Daniele: Belluuuu!
Professore: Immoe chi ischides comente si faghet pro s'àtera borta, in domo, provade a pintare una ispèndula in mesu de is montes.
Daniele: Mi praghet!