Diàlogu
Sardu Italianu
Fabio: At a èssere comente naras tue, ma a mie m'increschet etotu!
Daniele: Boles chi mutimus s'allenadore? Non si nd'at a èssere andadu galu!
Fabio: No, ca cussu a pustis mi narat cosa...
Claudio: Issu giai at a nàrrere semper ca tenet resone s'àrbitru... cando mai!
Fabio: Tando no lu chirches! Non lu bògio intèndere! Oh oh... ite dolore!
Claudio: Gasi meda t'increschet? E ite est, sa prima borta chi t'iscòrrias unu ghenugru!
Fabio: No est sa pedde... su dolore est prus a fundu!
Daniele: Seguru ses ca non t'as furriadu s'ossu?
Fabio: No l'isco... diat tocare a fàghere una lastra...
Claudio: Ma bae... dias èssere pranghende a toroju si tenias s'ossu truncadu!
Daniele: Mancari t'as furriadu sa rodedda de in antis ebbia... in ue t'increschet?
Fabio: Prus che s'ossu mi paret cosa de nèrbios.. non m'intendo sos pòddighes de su pee!
Daniele: Dias tènnere bisòngiu de ti pònnere astrau!
Fabio: Astrau? Pro ite? Diat èssere mègius una pumada...
Claudio: Daniele tenet resone! S'abba frita agiuat contra a su dolore!
Fabio: No lu bides ca est fintzas abbotzadu?
Claudio: Cussu est comente as furriadu su ghenugru ebbia...
Daniele: Tzertu ca ses rutu male però!
Claudio: Non b'at bonu giogadore chi non si siat furriadu su cambutzu e iscorriadu sos ghenugros!
Daniele: Podet èssere chi siat su cardampone tiradu...
Fabio: Eja, podet èssere... no est sa prima borta chi mi fùrrio su pee...
Claudio: Segundu me est neghe de sas iscarpas chi l'as prestadu tue pro giogare...
Daniele: Ite? Ma semper ghetende neghes a sos àteros ses tue?
Claudio: Tzertu ca est pro cussu! Si li fiant istrintas... Sas cordas e sos mùscolos sufrint!
Daniele: At a bòlere nàrrere ca s'àtera borta non t'as a ismentigare nudda in domo!
Fabio: Ca nono... non est neghe tua... fia giai dèbile de burtzu!
Daniele: Como chirca de ti pasare una chidighedda ca depes èssere sanadu pro sa partida!
Fabio: Mah... apo a cùrrere pagu deo, custa borta!