Diàlogu
Sardu Italianu
Fabio: S'àtera die, a s'ora de Geometria, m'as fatu tropu rìere!
Claudio: Ahahahah, nos semus ispassiados nois puru!
Fabio: Ma comente bos est bènnidu a conca?
Claudio: Su dannu l'at fatu sa professora boghende a foras su dadu!
Fabio: Issa fiat isprichende comente si mesurant sas faches e sa superfìtzie!
Daniele: Balla ca como giai mi l'as craridu...
Claudio: Deo fia arròschidu beni·mi·nde e nd'apo bogadu una bìllia...
Fabio: Ite bella! Cantu nde tenes? Deo nd'apo comporadu bator s'àtera die!
Claudio: Nde tèngio meda... e m'est bènnida s'idea de pregontare a Luca de giogare ca issu teniat duos dados in su zàinu!
Daniele: Pro si gherrare sa bìllia cun sos dados? Ahahah!
Claudio: Eja! A chie intzertaiat sa summa de sas faches diat àere bintu!
Daniele: A resone ca bi fiat trèulu... ahhah
Fabio: S'intendiat sonu de cosa pistende!
Claudio: Non ti podes pensare s'ispàssiu! E sa prof at sighidu narende narende...
Fabio: Finas a cando non nos at cassadu gioghende!
Daniele: E chie fiat binchende?
Claudio: Pro nàrrere sa veridade at bintu Luca...
Daniele: At retiradu totu sa professora, però... pecadu!
Claudio: Eja, ma a fine de s'ora nd'amus chistionadu cun issa e deo l'apo naradu chi fia isprichende a Luca sos volumes... Forsis at fatu finta de mi crèere e nos at torradu totu...
Daniele: Est ca in classe non faghet a fàghere nudda...
Claudio: B'est semper cussa ispia chi lu narat a sa professora!
Daniele: Una die o s'àtera tocat a la chistionare bene bene!
Claudio: Tzertu, de sinuncas mi agato su diàriu prenu de notas!
Fabio: Però tue puru... Ite ratza de ispàssiu... Dias pòdere isetare, no?
Daniele: Ascurta Fabio, boles imparare tue puru a giogare a bìllias?
Claudio: Deo naro ca si imparas t'ispàssias tue puru!
Fabio: Eja, giai mi dia pràghere a imparare!
Daniele: Oh istracu so... pro ite non nos firmamus? Ite narades si papamus calicuna cosa?
Claudio: Eja... s'istòmagu a murrùngios intendo...