Diàlogu
Sardu Italianu
Professora: Cando intrat calicunu bos nde depides pesare!
Totus paris: Eja...
Professora: E cando bos nde pesades, dage a cura a non trasinare sa cadrea!
Totus paris: Eja...
Giorgia: Pro ite nd'est intrada sa Professoressa de grammàtica?
Laura: No l'isco, tzita!
Simona: Como ca amus istudiadu geometria... a ratza de sorte!
Professora: Oe, sigomente sa professora de matemàtica no est pòdida bènnere a iscola, apo pigadu deo s'ora sua...
Laura: Ma bene istat? Canto depet mancare dae iscola?
Professora: Giai istat bene... Tando... ite die est oe?
Giorgia: Chenàbura.
Professora: Sa segunda ora... Como bidimus ite fàghere! Faghide·mi abbaidare su registru...
Giorgia: Cando narat gasi la timo!
Laura: Ca nono, tue giai bales...
Professora: Lunis apo ispricadu, martis bi fiat su còmpitu, mèrcuris apo ispricadu, giòbia non bi fia...
Simona: Ite bos apo naradu deo?
Professora: Giai chi tenimus custa ora, oe interrogamus!
Professora: Ite si nd'est partu de su chi bos apo ispricadu s'àtera die?
Professora: E ite est custu silèntziu? Nemos chi pispisat totu a una borta...
Simona: Fàtzile fàtzile non fiat...
Professora: E ite seis murrungende in cue?
Simona: Fia narende ca... mah...
Giorgia: Si faghet, oe podimus torrare a bìdere sa letzione de mèrcuris?
Professora: Non mi faghides pèrdere tempus! Apo naradu ca mancat isceti Antoni...
Giorgia: E Alene puru!
Professora: Bene, issos teniant giai su votu tantu!
Simona: Ite aiat ispricadu mèrcuris? Cosa meda de istudiare fiat?
Laura: Càllia·ti!
Professora: Assora, tue, Giorgia, ite ti nd'est partu de sa letzione de mèrcuris coladu?
Giorgia: A mie?
Professora: Tzertu, a tie! Ello a chie? Una pariga de cositeddas...
Giorgia: De s'ùrtima letzione?
Professora: Eja, gasi la torras a nàrrere a sos cumpàngios tuos puru!