Diàlogu
Sardu Italianu
Giorgia: Bos nde seis abbigiadas ca a sa segunda ora tenimus geometria?
Laura: Apo bidu... eris a merie fia istudiende...
Simona: Segura ses? Mi paret ca aiat naradu ca diat àere fatu àlgebra, oe!
Laura: Nono, so segura, e mi narat s'idea ca at a interrogare puru...
Giorgia: Deo eris sero no apo acudidu a torrare a abbaidare su libru... ite paret?
Laura: No at agiuntu àteru: petzi su chi amus istudiadu paris cun tegus chida colada!
Simona: Forsis est mègius chi mi torro a lèghere sos còmpitos... non m'ammento nudda!
Laura: Ite ora est?
Giorgia: Sas noe...
Laura: Bene, tenimus mesora lìbera pro torrare a lèghere totu.
Simona: Torramus gràtzias a Deus ca oe su professore de inglesu no est bènnidu!
Giorgia: Boga·nde su cuadernu, assora, gasi lego deo puru!
Simona: Iseta, so chirchende·lu... no lu potzo agatare...
Laura: Ti lasso su meu, si ti serbit...
Giorgia: Dae·lu a Simona, deo torro a lèghere dae su libru.
Simona: Gràtzias! Tue sisse ca ses un'amiga!
Giorgia: Depimus istudiare dae pàgina chentubintunu a pàgina chentubintibator...
Laura: Nono, mi' ca ses isballiende·ti!
Giorgia: Pro ite, tue ite as istudiadu?
Laura: Deo apo iscritu ca tocaiat a istudiare finas a pàgina chentubintighimbe!
Simona: E ite bolides chi siat! Pro una pàgina...
Laura: Ma bida l'as s'ùrtima pàgina? Bi sunt puru sas definitziones!
Giorgia: Si l'ais agabbada de si pitzigare pro nudda nos ponimus a lèghere!
Simona: Ca eja...
Laura: Chie bolet lèghere?
Giorgia: Forsis est mègius a lu lèghere cun sos ogros, pro cuitare...
Simona: Mancari cando tenimus cosa de nàrrere lu pregontamus, ite narades?
Giorgia: Faghimus gasi!
Laura: E mancari aiat a èssere mègius chi bos leeis unu pabiru biancu...
Giorgia: Pro torrare a iscrìere dae su libru? Andat bene.
Simona: Mi paret ca su tempus siat tropu pagu...
Giorgia: At a èssere pagu ma est mègius chi non nudda!