Diàlogu
Sardu Italianu
Daniele: ite est sutzèdidu?
Marta: Bene, furriadu ses? E non curras a intro de domo...
Daniele: Istèsia, Giorgia, ca càstio sos pisitos...
Giorgia: Fias lòmpidu in antis! Si fiat istadu pro te si diant mòrrere!
Marta: La' ca unu pisitu no est papende...
Daniele: Oh... faghe a bìdere! Sos pisitos meos...
Giorgia: Ant a èssere sos tuos ma mancu los abbàidas!
Daniele: La' ca si no est papende est ca ses acostada tue!
Giorgia: S'at a èssere ispramadu cando t'at bidu!
Marta: Agabba·la! Si chertades los regalamus!
Daniele: Non penso pròpiu!
Marta: Sorre tua fiat narende ca a pustis si diat pòdere comporare cosa de papare pro gatos!
Daniele: A su supermercadu depides andare?
Marta: Penso ca eja!
Daniele: Podes castiare pro comporare una vasca cun pisches rujos?
Marta: Apo naradu milli bortas ca inoghe pisches non nd'intrant!
Daniele: Pro iteeee? Già non si l'at a papare su gatu!
Giorgia: Però est belligheddu! Cun totu cussas bullùgias abbajolas chi nde àrtziant de a suta...
Daniele: E li dia pòdere fintzas pònnere unu truncheddu o pedra in su fundu!
Giorgia: Si diant crèere de èssere in su mare!
Marta: Rechedet tempus e imbrutat s'abba ogni die!
Daniele: E bi la pòngio deo s'abba lìmpia!
Marta: Mancu tue lu crees! Depo fàghere totu deo inoghe...
Daniele: Però lu dia pòdere tènnere puru in s'aposentu de pràndere... e gatos mancu nde passant!
Giorgia: Toca, mama, podimus fintzas pregontare... pro l'ischire ebbia...
Daniele: Depo bènnere deo puru a su supermercadu cun Claudio e Fabio!
Marta: A fàghere ite? Mi faghes su praghere de no ispèndere su dinari cun simpridades!
Daniele: Depo acumpangiare a Claudio a comporare cosa a s'isposa...
Marta: Nde tenent de pretesas sos giòvanos!
Daniele: E deo puru depo pigare unu regalu pro s'amigu meu chi faghet sos annos!